一个星期真系过得好快 >_<

 

唔知点写落去添,开头开得太"行"了......... 咔咔

 

话说5月30号早上我终于到左KL,一个人着住长衫长裤,30几度,拖住个17K既行李箱行左10几20分钟先稳到传说中既酒店.......

有几狼狈就真系唔好提了....... 只怪自己方向感真系麻麻

下午3点左右终于等到LF出现, 咔咔,行程终于算系开始啦

 

第一站KL,作为MY既首都,真系麻麻..........

记得4年前黎觉得呢到好好,点知今次再黎,印象大减.......

唔知系米金融风暴关系,好多烂尾楼,成个城市感觉就系好乱.........

KLCC附近的确依然系好靓,可惜KL唔只KLCC一个地方呢,政府系米应该管理下其他地方呢........

 

去左吃传说中既肉骨茶同烧鸡翅,点知LF都觉得中国既好好多......... 资料算系白做.........

LF可以讲对KL既所有野都唔感兴趣........唯独系马来咖喱,最吸引距,因为够辣又抵吃......真系晕低(哦,仲有酸梅桔子水, 表姐同仔爷极力推荐的, 真系唔错)

 

系KL留左一日半之后,飞去REDANG热浪岛

话说飞果日我地提前左40分钟到机场(仲要专登坐38RM既快铁去),点知都系属于LATE CHECK IN

ANYWAY,果日个KLIA实在系太混乱,所以最后上到机就林住可以松口气(呢到要特别多谢LF既支持同提点)

点知去到TGG机场,见唔到托运既行李.........

一番追问之下,原来行李仲系KL机场........未运.........晕死~~~~~~~~~~

话要跟下一班机黎.....即系3点9先到......去REDANG既船最后一班系3点......即系今日都拿唔到行李.......orz.........

即系无衫换,无泳衣着,无得游水,无得潜水,无毛巾,无牙刷.......咩都无

两条友对住无敌大海景.....发偶窦........果然系,好休闲........

等左一个下午,一个夜晚,一个早上,终于拿翻D行李, THANK GOD

 

讲翻REDANG,比我想象既要细,而且真系好多人~~~~~~~~~~看住LAGUNA个潜水队伍.......少讲都有成百人.........好惊

海水真系好清好蓝,沙都好白,可惜岸上既死珊瑚都好多,见到都难免有心痛既感觉

景点开发.................

不过,水底既风景的确系值得一看

系好浅既地方就可以见到好多鱼同珊瑚,对于浮潜既人黎讲,精彩过CAIRNS

好中意水里面既感觉,好安静,净系听到自己既呼吸声

不过唔知点解, 如果我自己一个人潜去人少既地方比D珊瑚包围住,就会有莫名既恐惧感.......

静态既庞大物品总会令我觉得有神秘既力量....... -_-|||

我地系REDANG住既地方比较简单同人唔算好多. 最中意系每晚吃完饭同LF系海边行下,之后坐系吧台旁边饮翻杯COCKTAIL, 好休闲既生活, 好舒服

噢,仲有海上既闪电,海岛上既暴雨同行雷, 都系好难忘

 

3日既海岛生活之后, 下一站到左全程我同LF最中意既地方, PENANG

本来只系林住打发多出黎既一日时间, 点知, 好开心选择左去呢个地方

中意呢度既绿化,建筑,人情味

同LF既一小段单车之旅, 邱公司既辉煌装饰, 街边铺仔既劲辣面同咖啡奶茶可可, 的士司机既健谈同对成个城市既熟悉

有机会既话,真系好想再去一次槟城, 慢慢看真D

 

由于水平既关系,上传既相可能反映唔到真实既情况,咔咔

不过大家看住先啦, 有兴趣既自己去实地考察下啦, 嘻嘻

P.S. 美食之旅算唔上,变左感冒之旅, 咔咔